Қайназар ауылындағы №1 орта мектепте 19-қазан күні серіктес мектептермен аймақтық «Ізденейік, үйренейік, жас маман!»
Қайназар ауылындағы №1 орта мектепте 19-қазан күні серіктес мектептермен аймақтық «Ізденейік, үйренейік, жас маман!» тақырыбында семинар өтті. Тәлімгер мен жас маман арасындағы қарым-қатынас психологиясын нығайту мақсатында семинар психологиялық тренингпен бастау алды. Математика пәнінің мұғалімі, аудандық ассоциация құрамының мүшесі Родинова Ақмарал Темирбековна жас мамандарға орта мерзімді, ұзақ мерзімді, қысқа мерзімді жопарлаудың қағидалары мен тәсілдерін теориялық тұрғыда кеңінен таныстырылды. Пракиткалық тұрғыда жас мамандар ҚМЖ құрастырды. ІІ деңгейлі бастауыш сынып мұғалімі Өмірбек Рыскүл көрнекілік түрлерімен таныстырып, оны пайдалану жолдарын түсіндірді. Еңбекшіарал орта мектебінің ІІІ деңгейлі ағылшын тілі пәнінің мұғалімі Тоғайбаева Гаухар Бахитовна оқу мақсаттарына бағытталған саралау тапсырмаларын құрастыруда толық ақпарат беріп, жас мамандарға шебер сынып өткізді. Сонымен қатар, информатика пәнінің мұғалімі Әбілаким Ернұр Kundelik. Kz порталының мүмкіндіктерімен таныстырып өтті. Тәлімгер, бастауыш сынып мұғалімі Батанова Гулзира мен жас маман Аманжол Ақмарал жас маман мен тәлімгер арасында қандай құжаттар жүретіндігін таныстыра отырып, өз жұмыстарымен бөлісті.Нәтижесінде семинарда жас мамандар көптеген ақпараттармен қанығып, өз қоржындарына біраз дүниені салғандығын айтып кетті.